فهد الشيباني

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

أهدي هاذا المنتدى إلى رفيقة دربي أمـــــــــــــــــــــــــــــي


2 مشترك

    شاعر يحضر زواج حبيبته ويلقي القصيده للعريس

    avatar
    حبة كرز


    المساهمات : 13
    تاريخ التسجيل : 10/03/2010
    الموقع : في قلوب احبتي

    شاعر يحضر زواج حبيبته ويلقي القصيده للعريس Empty شاعر يحضر زواج حبيبته ويلقي القصيده للعريس

    مُساهمة  حبة كرز الأربعاء مارس 10, 2010 7:21 pm

    شاعر يحضر زواج حبيبته ويلقي قصيدة للعريس - جريء بجد
    هذه قصيده وجهها عاشق لعريس عشيقته ليله الزفاف
    وخلونا بهالقصيدة الرائعة المؤثرة بالفعل ؛ التي تجبرك على قراءتها للنهاية ..
    وإن شاء الله تحوز على رضاكم ..





    أبد .. ما جيت أبارك ولكن جيـت باوصّيـك
    على الله ناوي ٍ تدخل بهـا الليلـه .. مُعذّبْتـي

    ترى لولا الظروف اللي عطتْك وحدّت محاكيك
    قسم بالله ما تدخـل عليهـا لـو علـى رْقبْتـي

    ولكنّ النصيب اقوى ولا ادري ويش اسوّي فيك
    نعم .. صارت معزّبتك .. ولا صارت معزّبْتي

    كذا شاءت بنا الأقدار تحرمني لأجـل تعطيـك
    كذا لازم عشان تفوز إنت .. أخسـر بتجربْتـي

    تراها غاليه جـداً .. وتكفـى .. والله يخليـك
    تـدللها .. تدلعهـا .. تنسّيـهـا مصاحبْـتـي

    أنا من كثر ما اغليها أحس اني بديـت اغليـك
    ولا تسـأل بأيّـة حـق ولا ّ وش مناسبْـتـي

    لإنك لو بتسألني بتسمع شـيء مـا يرضيـك
    لـذا ياخـوي لا تسـأل ولا تسمـع لأجوبْتـي

    أبيك تحطها في داخل عيونـك وبيـن ايديـك
    وهي دلوعه اعتـادت علـى كثـرة مداعبْتـي

    فداعبها شوي شوي حتـى تشتهـي طاريـك
    وشاغبها إليـن تقـول لـك: بطّـل مشاغبْتـي

    واذا هي مالها خلقك..ولا تضحك ولا تسلّيـك
    تحمّلها وإسألهـا: يـا عمـري ليـه عصّبْتـي

    وبالك اسمع انّك يوم تضربها وهـي تشكيـك
    ما يحتاج اورّي لـك بفـن الضـرب موهبْتـي

    صحيح انك بتملكها ومعك العقد بالتمليـك
    وانا عارف حـدود الله ومـن حقـك معاقبْتـي

    ولكن قلّها المجنـون وصّانـي وهـو يعنيـك
    يقـول انّـه بينتظـرك ولـو شيّـب وشيّبْتـي

    وانا مجنونها اللي ما نساها وانت مـا يمديـك
    تغطّي ذكرياتي في هواهـا.. وربْـع تجربْتـي

    أحس اني تماديت بكلامي.. والغضب حاديـك
    ولو انّك في مكاني مـا تفكّـر في محاسبْتي

    كفاك اني تركت الليله اشغالي عشـان اجيـك
    دخلت القاعه برجلي ولا ادري ويش عاقبْتـي

    انا ما جيت اخرّب عرسك الليلـه ولا آذّيـك
    أنا جيتك عشان اخاطبـك واسمـع مخاطبْتـي

    توصّى..وانتبه..واحرص عليهـا والله يهنّيـك
    ترى كل الكلام اللي طلَع مـن ضيقـيَ وكبْتـي

    ولكن ما قدرت انّي أقوله وانـت مـا يخفيـك
    أخـاف انّـي إذا قلتـه تقـوم وتقطـع رقبتي

    وسلامتكم اتمنى تنال اعجابكم



    ابو محمد 911
    ابو محمد 911


    المساهمات : 88
    تاريخ التسجيل : 09/03/2010
    العمر : 29

    شاعر يحضر زواج حبيبته ويلقي القصيده للعريس Empty رد: شاعر يحضر زواج حبيبته ويلقي القصيده للعريس

    مُساهمة  ابو محمد 911 الأربعاء مارس 10, 2010 8:21 pm

    شكرا

      الوقت/التاريخ الآن هو الجمعة مارس 29, 2024 2:39 am